موقف جريئ من بنت جريئة وجدعة فعلااااا سعات بيكونو بميت راجل

السلام عليكم ورحمه الله وبركاته

سورى ياجماعه بس كل واحد لازم ياخد حقه

يمكن الموضوع جديد من نوعه على المنتدى بس الموضوع يستاهل انه يتطرح ونعرف كمان انه فى بنات محترمه وجدعه جدا كمان وسامحونى اذا كنت هاحكى الموقف بطريقه عاميه شويه

من حوالى اسبوع تقريبا كنت فى الجامعه واقف مع صحابى عند باب تجاره انجليزى وجه نظرى على شله شباب فاشله وده اققل تعبير اقدر اقوله عليهم كانوا معديين من جنب مجموعه من البنات شله يعنى قاعدين مع بعض وبيشربوا حاجه ساقعه فى كوبيات, فجاه لاقيت ولد من الولاد الى كانوا معديين كان معاه عصايا صغيره راح ضارب بنت من البنات على راسها بالعصايا بنوع من المعاكسه وقل ادبه ومش بالعصايا بس ده بالكلام كمان

تتصوروا موقف البنت كان ايه؟

والله العظيم هذا حصل , قامت البنت بكوب الحاجه الساقعه الى معاهه وقامت رامياه فى وشه وشاتماه ومسخره بكرامته الارض وراح الوش التانى بتاع البنات طالع وعينك ما تشوف الا النور يامعلم , وما كان على الولاد دول الا انهم خدوا بعضهم ويافكيك

وبجد انبسط جدا من البنت ديه لان ديه هيه البنات الى بميه راجل وارجوا ان ينال الموضوع على اعجابكم وانتظروا المزيد باذن الله مع عاشق الرومانسيه